भारतको नयाँ दिल्लीमा लकडाउन थप खुकुलो

नुवाकोट । दिल्ली मुख्यमन्त्री अरविन्द केजरीवालले नयाँ दिल्लीको लकडाउनलाई थप खुकुलो बनाउने घोषणा गरेका छन्। उनले एक साता परीक्षणको रुपमा लकडाउन खुकुलो बनाएपनि संक्रमण बढेमा कडा कदम उठाउन सक्ने समेत बताए।

यो सोमबारदेखि कार्यान्वयनमा आउनेछ। उनका अनुसार पसल, मल र रेष्टुरेन्ट खुल्ला गर्न दिने बताए। पसल विहान १० बजेदेखि ८ बजेसम्म खोल्न दिइने केजरीवालले बताए।

रेष्टुरेन्टमा ५० प्रतिशत मात्रै राखेर सेवा दिन पाउने प्रावधान लगाएको छ। यसअघि टेकवे र होम डेलिभरी गर्न पाउने व्यवस्था थियो।

अहिलेसम्म जोरविजोरका आधामा पसल खुला थिए। दिल्लीको मेट्रो र सरकारी बस ५० प्रतिशत मात्रै यात्रु राखेर चल्न पाउने छन्।  अटो र ट्याक्सीमा दुई जना यात्रु मात्रै बस्न पाउने छन्।

विवाह र अन्तिम संस्कारमा २० जना मात्रै सहभागी हुन पाउने छन्। ब्यांकेट हल, स्पा, जीम, स्वीमिङ पुल, पार्क बन्दनै रहने दिल्ली सरकारले निर्णय गरेको छ।

सिनेमा हल, मल्टिप्लेक्स, इन्टरटेनमेन्ट पार्क बन्द रहनेछ। स्कुल र कलेज पनि बन्द राख्ने दिल्ली सरकारले निर्णय गरेको छ।