धादिङमा बेपत्ता चालकको शव फेला

नुवाकोट । गजुरी ७ श्यामैडाँडाका २४ वर्षीय एक्स्काभेटर चालक अर्जुन श्रेष्ठको शव फेला परेको छ । २० गतेदेखि बेपत्ता चालक श्रेष्ठको शव दरियाल खोलाको बगरमा फेला पारिएको हो ।

आइतबार बिहान जलारीले दरियाल खोलास्थित चाहिलेको बाँधमा शवको शंका लागेपछि प्रहरीलाई खबर गरेका थिए । प्रहरीको रोहवरमा उत्खनन गर्दा क्षतविक्षत रुपमा शवलाई परिवारजनले सनाखत गरेका थिए ।

हत्यामा संलग्नको आशंकामा दुई महिला र एक पुरुषलाई नियन्त्रणमा लिएर अनुसन्धान सुरु गरेको जिल्ला प्रहरी प्रमुख महेन्द्र खड्काले बताए ।