पिपलटारमा वस र मोटरसाईकल एक आपसमा ठोक्किए,२ जना घाईते

नुवाकोट । नुवाकोटको विदुर नगरपालिका वडा नम्बर ५ पिपलटारमा यात्रुवाहक वस र मोटरसाईकल एक आपसमा ठोक्किँदा २ जना घाईते भएका छन् ।
बट्टारबाट काठमाण्डौतर्फ गइरहेको पासाङ ल्हामु यातायातको प्रदेश नम्बर ३ को ०१–००५ ख ९५३१ नम्बरको वसले काठमाण्डौबाट बट्टारतर्फ आइरहेको मोटरसाईकलाई ठक्कर दिएको हो ।
दुर्घटनामा परि मोटरसाईकलमा सवार २ जना घाईते भएका छन् । घाइते हुनेमा रसुवाको कालिका गाउँपालिका वडा नम्बर ५ का कृष्णवहादुर आचार्य र हरिप्रसाद ढकाल रहेको जिल्ला प्रहरी कार्यालय नुवाकोटका डिएसपी हरिवहादुर वलीले जानकारी दिए ।
घाइतेहरुको टाउको र खुट्टामा चोट लागेको बताइएको छ । उनीहरुलाई विदुरको एक अस्पतालमा सामान्य उपचारपछि काठमाण्डौ रिफर गरिएको बताइएको छ ।
दुर्घटनापछि दुवै सवारीसाधनलाई प्रहरीले नियन्त्रणमा लिएको छ । घटनाको विषयमा अनुसन्धान भइरहेको जिल्ला प्रहरी कार्यालय नुवाकोटले जनाएको छ ।
- १ सरकारको स्वास्थ्य बीमाः ३५ सय तिर्दा वार्षिक १ लाखको सेवा
- २ नुवाकोटका सन्तोष उप्रेति होटल व्यवसायी महासंघको उपाध्यक्षमा निर्वाचित
- ३ सीमा नाकामा भिडन्त, एक सशस्त्र प्रहरी र आठ भारतीय व्यापारी घाइते
- ४ नुवाकोट आदर्श बहुमुखी क्याम्पसको निमित्त प्रमुखमा भोलाप्रसाद पाण्डे
- ५ चिसो बढ्यो, उच्च हिमाली भू-भागमा हल्का हिमपातको सम्भावना
प्रतिक्रिया