अनेरास्ववियू नुवाकोट–काठमाडौ सम्पर्क मन्चको संयोजकमा अनिश प्याकुरेल

नुवाकोट । अनेरास्ववियूले नुवाकोट घरभई काठमाडौँमा रहेका आफु निकट विद्यार्थी संगठन अनेरास्ववियू नुवाकोट–काठमाडौ सम्पर्क मन्चको संयोजकमा अनिश प्याकुरेललाई चयन गरेको छ ।

नेकपा पार्टी दुई समुहमा विभाजित भएसँगै ओली समुहको अनेरास्ववियू नुवाकोटले संगठन विस्तार र सुदृढिकरणको काम सुरू गरको हो । ग्रामिण आदर्श बहुमुखी क्याम्पसमा अध्ययनरत अनिश प्याकुरेलको संयोजकत्वमा ५१ सदस्यीय सम्पर्क मञ्च गठन गरिएको हो ।

मञ्चको सहसंयोजकमा निश्चल घिमिरे र सचिवमा दिनेश पौडेल रहेको अनेरास्ववियू नुवाकोटका सचिव प्रशान्तजंग पाण्डेले जानकारी दिए । भेलामा प्रधानमन्त्री केपी शर्मा ओलीका मुख्य सल्लाहकार विष्णु रिमाल, नेकपा बागमती प्रदेशका अध्यक्ष आनन्द पोखरेल केन्द्रीय सदस्य केशवराज पाण्डे, नेकपा नुवाकोटका अध्यक्ष बद्री मैनाली र अनेरास्ववियू नुवाकोटका संयोजक विष्णु दाहाल लगायतले सम्बोधन गरेका थिए ।