कांग्रेसका सहमहामन्त्रि डा. प्रकाशरण महत भोलि नुवाकोट आउँदै

नुवाकोट । नेपाली कांग्रेसका सहमहामन्त्रि डा. प्रकाशरण महत भोलि नुवाकोट आउने भएका छन् ।

प्रधानमन्त्रि केपी शर्मा ओलिले संसद विघटन गरेको विरोधमा नेपाली कांग्रेस नुवाकोटको विभिन्न भातृ संगठनले आयोजना गरेको विरोध कार्यक्रमलाई सम्बोधन गर्न उनी नुवाकोट आउँन लागेका हुन् ।

नेपाली कांग्रेसको विभिन्न भातृसंस्थाले विदुरमा आयोजना गरेको विरोधसभालाई सम्बोधन गर्न नेपाली काग्रेसा केन्द्रिय सदस्य तथा विघठित प्रतिनिधिसभाका सांसद वहादुरसिंह लामा पनि आउने कार्यक्रम छ ।

विरोधसभाअघि विदुरको लोकतान्त्रिक चौतारोबाट र्याली निकालेर ढुङ्गे, त्रिशुली परिक्रमा गरि पुन विदुरमा कोणसभा आयोजना गरिएको छ ।
पछिल्लो समय संसद विघटनको विरुद्धमा नेपाली कांग्रेसले देशव्यापी रुपमा विरोध प्रर्दशन गरेको छ ।