होटल तथा पर्यटन व्यवसायी संघ बागमती प्रदेशले बोलायो आमाछोदिङ्गमो भेला

विदुर खबर २०७७ पुष १३ गते ९:०८

नुवाकोट । होटल तथा पर्यटन व्यवसायी संघ नेपाल, बागमती प्रदेशले आमाछोदिङ्गमो भेला गर्ने भएको छ ।

कोभिड–१९ का कारण खस्केको समग्र प्रदेशको होटल, पर्यटन तथा व्यापार व्यवसाय पुनः लयमा फर्काउन र सोको उपायको खोजिका लागि संघले रसुवाको गत्लाङ्ग, आमाछोदिङ्गमोमा अन्तरक्रिया कार्यक्रम गर्ने भएको हो । संघले आगामी पुस १५ गते आमाछोदिङ्गमोमा प्रदेश स्तरिय विशेष अन्तिरक्रिया तथा छलफल कार्यक्रमको राखेको छ । उक्त भेलामा विशेषतः कोभिड–१९ ले पर्यटन क्षेत्रमा पारेको असर, चुनौति र समाधानका उपायहरुको खोजि गरिने होटल तथा पर्यटन व्यवसायी संघ, बागमतीका महासचिव दामोदर नेपालले बताए ।

बागमती प्रदेशका १३ वटै जिल्लाका संघका प्रतिनिधि सदस्य, होटल तथा पर्यटन व्यवसायीहरु, स्थानीय जनप्रतिनिधिहरु, होटल तथा पर्यटन व्यवसायी महासंघका प्रतिनिधि र सरोकारवाला व्यक्तिहरुको समेत सहभागिता रहने उक्त भेलाले संघको दोस्रो साधारण सभा समेत सम्मपन्न गर्ने महासचिव नेपालले जानकारी दिए ।