मालबाहक ट्रक दुर्घटना हुँदा तीन जनाको मृत्यु

विदुर खबर २०७७ मंसिर २२ गते ८:०६

नुवाकोट । दार्चुलामा आईतबार राती ट्रक दुर्घटना हुँदा तीन जनाकाे मृत्यु भएको छ ।गोकुलेश्वरबाट सदरमुकाम खलंगा तर्फ आइरहेको ना ३ ख ३४८५ नम्बरको ट्रक मालिकार्जुन गाउँपालिका १ भर्ताेला भन्ने ठाउँमा दुर्घटनामा परेको जिल्ला प्रहरी कार्यालय दार्चुलाका प्रहरी प्रमुख पदमबहादुर विष्टले जानकारी दिनुभयो । दुर्घटनामा परि तीन जनाको घटनास्थलमै मृत्यु भएको छ । मृत्यु हुनेमा ट्रक चालक २४ वर्षीय शेर सिह कार्कीको परिचय खुलेको छ भने बाँकी दुई जनाको परिचय खुल्न बाँकी रहेको उहाँले बताउनु भयाे ।

गए राती १० बजे ट्रक दुर्घटनामा परेको खबर प्रहरीलाई आएपछि धाप प्रहरी चौकी र दत्तु प्रहरी चौकीलाई दुर्घटना स्थलमा परिचालन गरिएको थियो । प्रहरी टोलीले विहान तीन बजे सम्म उद्धार गरि जिल्ला शवहरु जिल्ला अस्पताल पुगाइसकेको डिएसपी विष्टको भनाई छ । ट्रक सडकबाट झण्डै १२० मिटर तल खाेल्सामा खसेको जनाईएकाे छ । ट्रक दुर्घटनामा ज्यान गुमाएका अन्य दुई जनाकाे भने परिचय खुल्न सकेकाे छैन ।