दशैंमा सार्वजनिक स्थानमा पिङ नहाल्नुस् : स्वास्थ्य तथा जनसंख्या मन्त्रालय

नुवाकोट । स्वास्थ्य तथा जनसंख्या मन्त्रालयले दशैंमा सार्वजनिक स्थलमा पिङ नहाल्न आग्रह गरेको छ ।

कोभिड अपडेट सम्बन्धि नियमित पत्रकार सम्मेलनमा स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले यस्तो आग्रह गरेका हुन् । पिङका कारण भिडभाड बढ्ने र यसले कोरोना फैलने जोखिम बढ्न सक्ने उनको भनाई छ । कोरोना संक्रमणबाट बच्न र बचाउनकालागि लागि आफू बसेकै स्थानमा यसवर्षको दशैं मनाउन पनि उनले आग्रह गरेका छन् ।

यसकासाथै प्रवक्ता डा. गौतमले सम्पुर्ण मन्दिरहरु दशैँको पुजाकोलागि पुजारीलाई मात्र उपस्थित हुन पनि अनुरोध गरिएको छ । भिडभाडका कारण संक्रमण फैलने भएकाले स्वास्थ्य तथा जनसंख्या मन्त्रालयले यस्तो अनुरोध गरेको हो ।