काठमाडाैँमा १ हजार सहित उपत्यकामा ११७७ स‌क्रमित थपिए

नुवाकोट । शनिबार काठमाडौँ उपत्यकाका थप ११ सय ७७ जनामा कोरोना पुष्टि भएको छ ।

पछिल्लो २४ घण्टामा उपत्यकाका विभिन्न अस्पतालमा गरिएको स्वाब परीक्षणमा काठमाडौँका १ हजार १, भक्तपुरका ६७ र ललितपुरका १ सय ९ जनामा संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ ।

पछिल्लो समय उपत्यकामा कोरोना संक्रमितको संख्या बढ्दै छ । हिजो मात्रै उपत्यकाका १६ सय ३८ जनामा कोरोना देखिएको थियो । यससंगै उपत्यकामा कोरोना संक्रमितको कुल संख्या २७ हजार ८८०  पुगको छ।

यस्तै, शनिबार नेपालमा थप २१२० जनामा कोरोना भाइरसको संक्रमण पुष्टि भएको छ । योसँगै नेपालमा कोरोना संक्रमितको संख्या ८४ हजार ५७० पुगेको छ। संक्रमितमध्ये ६२ हजार ७४० जना निको भएर घर फर्किएका छन् भने कोरोना संक्रमणबाट अहिलेसम्म ५२८ जनाको मृत्यु भएको छ।