नेकपा नुवाकोटका एकदर्जन कार्यकता कांग्रेस प्रवेश

नुवाकोट । विदुर नगरपालिका वडा नम्बर ७ तुप्चेका १३ जना युवाहरु नेकपा परित्याग गरि कांग्रेस प्रवेश गरेका छन् ।

मंगलबार तुप्चेमा कांग्रेसका जिल्ला सभापति जगदिश्वर नरसिंह केशीले एक कार्यक्रमका विच उनीहरुलाई स्वागत गरेका हुन् । केशीले नवप्रवेशीहरुलाई टिका र खादा लगाएर स्वागत गरेका छन् । कांग्रेस प्रवेश गर्नेहरुमा कुमारी विश्र्वकर्मा,दावा तामाङ, सविना पराजुली, विनोद विश्र्वकर्मा, रोमबहादुर तामाङ र बोधबहादुर तामाङ रहेका छन् ।

यस्तै कांग्रेस प्रवेश गर्नेहरुमा जित बहादुर तामाङ,गणेश नेपाली,लोकबहादुर लोहार, ओसन नेपाल, भरत श्रेष्ठ ,सुरेन्द्र अधिकारी र श्रीकृष्ण श्रेष्ठ रहेको नेपाली कांग्रेसका जिल्ला सभापति जगदिश्वरनरसिंह केशीले जानकारी दिए ।

सरकार अधिनायकवादतर्फ उन्मुख भएको र उसले गरेको काम अलोकप्रिय भएसँगै आफुहरु नेकपा परित्याग गरि कांग्रेस प्रवेश गरेको पार्टी प्रवेश गरेका युवाहरुले बताएका छन् । पछिल्लो समय नुवाकोटमा कहिले नेकपा त कहिले कांग्रेस पार्टी प्रवेश गर्ने लहर नै चलेको छ ।