नुवाकोटको तुप्चेमा पोष्टबहादुरको सम्झना

विदुर । तत्कालिन नेपाल कम्युनिष्ट पार्टी (माओवादी केन्द्र) का उपाध्यक्ष पोष्टबहादुर बोगटीको छैठौं स्मृति दिवसको अवसरमा आज विविध कार्यक्र आयोजना गरिएको छ ।

स्मृति दिवसको अवसर पारेर बोगटीको जन्मस्थल तुप्चे,पोष्टबहादुर बोगटी स्मृति प्रतिष्ठान पिपलटारमा श्रदान्जली सभाको आयोजना गरिएको छ । कार्यक्रममा नेपाल कम्युनिष्ट पार्टी (नेकपा) सम्वद्ध नेताहरुले आफ्नो राजनीतिक जीवनकालमा बोगटीले अपनाएको जीवनशैली र राजनीतिक आदर्शको अनुशरण गर्नसके पार्टीलाई जनतामा पूर्णरुपले स्थापित गराउन सकिने धारणा ब्यक्त गरे ।

कार्यक्रममा नेपाल कम्युनिष्ट पार्टी (नेकपा)की केन्द्रीय सदस्य बिमला सुबेदीले नेता बोगटीको जीवन सबै राजनीतिकर्मीहरुका लागि प्रेरणाको स्रोत रहेको बताउँदै बोगटीको सादगीपूर्ण जीवनशैलीको अनुकरणबाट बिकृत बन्दै गएको राजनीतिलाई सहि मार्गमा ल्याउन सकिने धारण ब्यक्त गरिन् । पछिल्लो समय नेपाली राजनीतिमा बोगटीको अभाव झनै खड्किएको बताउँदै नेतृ सुबेदीले राजनीतिलाई समाज रुपान्तरणको माध्यम बनाउन पनि बोगटीपथ आवश्यक रहेको बताईन् ।

कार्यक्रममा प्रदेशसभा सदस्य एवं नेकपा नुवाकोटका अध्यक्ष हिरानाथ खतिवडा, नेकपा नेता पुष्प लामिछाने, बिदुर नगरपालिकाका प्रमुख सञ्जु पंडित, प्रतिष्ठानका लीलानाथ न्यौपाने र ईन्द्रबहादुर पंडितले स्वर्गीय नेता बोगटीको जीवनशैली र समाजसुधारक छबीक वारेमा चर्चा गरेका थिए ।