देशभरमा थपिए हालसम्मकै धेरै काेराेना संक्रमित

गत २४ घण्टामा एक हजार २२१ जनामा कोभिड संक्रमण पुष्टि भएको छ ।

योसँगै देशभरमा कोरोना संक्रमण पुष्टि हुनेको कुल संख्या ३८ हजार ५६१ पुगेको छ जसमध्ये ३४८ महिला र ८७३ पुरूषहरू रहेका छन् । देशमा अहिले सक्रिय संक्रमित १७ हजार ५१८ जना रहेका छन् ।

आज थपिएका संक्रमितमध्ये काठमाडौंका ३७२ जना, ललितपुरका १२ जना र भक्तपुरका ४५ जना गरी कुल उपत्यकाका ४२९ जना छन् ।यसैगरी पछिल्लो २४ घण्टामा कोरोना निको भएर २६७ जना डिस्चार्ज भएका छन् । हालसम्म नेपालमा २० हजार ८२२ जना कोभिड मुक्त भएका छन् । हालसम्म सात हजार ७९७ जना क्वारेन्टिनमा छन् भने हाेम आइसोलेसनमा ६ हजार ९०६ र संस्थागत आइसोलेसनमा १० हजार ६१२ जना छन् ।

गत एक दिनमा १२ हजार १७ पीसीआर परीक्षण भएकाे छ । अहिलेसम्म देशभरमा कुल ६ लाख ८२ हजार ३४३ परीक्षण भइसकेकाे छ ।