सरकारको निर्णयमा सर्वोच्चको अंकुश,नेप्से प्रमुख साउदलाई काममा फर्काउन सरकारलाई सर्वोच्चको आदेश

नेपाल स्टक एक्सचेञ्जका प्रमुख कार्यकारी अधिकृत चन्द्रसिंह साउदलाई काममा फर्काउन सरकारलाई सर्वोच्च अदालतले आदेश दिएको छ ।

साउदले दायर गरेको रिटमा नेप्से प्रमुखको नियुक्ति वा पदमुक्त सम्बन्धी व्यवस्था धितोपत्र ऐन समेत आकर्षिक हुने उल्लेख गरिएको थियो । रिटमा नेप्से प्रमुखको पद प्रशासनिक पद रहेको र यो ठाउँमा आफू लोकसेवा आयोगको झै विभिन्न परीक्षा पास गर्दै नियुक्त भएकोले आफूलाई सबै राजनीतिक नियुक्ति खारेजीको नाममा पदमुक्त गर्नु अन्यायपूर्ण रहेको जिकिर गरिएको थियो ।

चन्द्र साउदजस्तै क्याबिनेटको निर्णयबाट पदमुक्त भएका अन्य ६ जनालाई समेत सर्वोच्चले यसअघि छुट्टा छुट्टै आदेशमार्फत काममा फर्काउन आदेश दिइसकेको छ ।