सक्रिय हुँदै मनसुन, आज राति केही ठाउँमा ठूलो वर्षाको सम्भावना

नुवाकोट । अहिले नेपालमा मनसुन सक्रिय भएको छ। जसका कारण केही दिनयता दैनिक वर्षा भइरहेको छ।

मौसमविद्का अनुसार अहिले पनि काठमाडौं उपत्यकासहित आसपासका क्षेत्रमा वर्षा भइरहेको छ।   मौसम पूर्वानुमान महाशाखाले सोमबार साँझ ६ बजे जारी गरेको बुलेटिनअनुसार आज राति प्रदेश १, २, बागमती, गण्डकी, ५ नम्बर र कर्णाली प्रदेशका धेरै स्थानमा हल्कादेखि मध्यमसम्म वर्षा हुने सम्भावना छ।

यसैगरी सुदूरपश्चिम प्रदेशका थोरै स्थानमा पनि मेघगर्जन र चट्याङ सहित हल्कादेखि मध्यमसम्म वर्षाको सम्भावना छ। प्रदेश १, २, बागमती, गण्डकी, ५ र कर्णाली प्रदेशका एक-दुई स्थानमा भारी वर्षाको समेत सम्भावना रहेको माैसम महाशाखाले जनाएको छ।