रुसमा एकै दिन ९ हजार संक्रमित

नुवाकोट । रुसमा कोरोना भाइरस (कोभिड–१९) बाट सोमबार मात्रै ९ हजार जना संक्रमित भएका छन् ।

योसँगै देशभर कुल संक्रमितको संख्या ३ लाख ५० हजार नाघेको छ ।भाइरसका कारण रुसमा अहिलेसम्म ३ हजार ६ सय ३३ जनाको मृत्यु भइसकेको छ । तीमध्ये ९२ जनाको पछिल्लो २४ घण्टामा मृत्यु भएको स्वास्थ्य अधिकारीहरूले जनाएका छन् ।

संक्रमितहरूको तुलनामा रुसमा मृत्यु हुनेको संख्या कम देखिएको छ । तर कतिपयले भने सरकारले तथ्यांक लुकाएको आरोप लगाउँदै संक्रमित तथा ज्यान गुमाएकाको वास्तविक संख्या बढी भएको दाबी गरेका छन् ।