हाम्रो समाचारको प्रभाव : त्रिशुली बजार क्षेत्रका पसलहरु विहान र वेलुका मात्र खुल्ने

त्रिशुली । सरकारले लकडाउन घोषणा गरेपनि त्रिशुली बजार क्षेत्र दिनभर खुल्ला रहेपछि बुधवार विदुर खबरमा नुवाकोटको त्रिशुली बजारलाई छोएन लकडाउनले भन्ने समाचार प्रकाशित भएपछि वडा कार्यालयले भोलिदेखि लागु हुनेगरि बजार क्षेत्र विहान र वेलुका निर्धारित समयमा मात्र खोल्न निर्देशन दिएको छ ।

वडा कार्यालयले विहिबार एक सुचना जारी गर्दै अत्याआवश्यक काम वाहेक घर वाहिर ननिस्कन र अत्याआवश्यक वाहेकका सबै पसल बन्द गर्न वडा कार्यालयले वडावासीहरुलाई आग्रह गरेको छ । त्यस्तै बजार क्षेत्रका पसलहरु विहान ६ बजेदेखि ९ बजेसम्म र साँझ ५ः३० देखि ७:३० बजेसम्म खोल्न सकिने बताइएको छ ।

लकडाउन अवज्ञा गरेका कुनैपनि घटना घटेमा आफै जिम्मेवार हुनुपर्ने सुचनामा उल्लेख गरिएको छ । त्यस्तै लकडाउनको समयमा अत्याआवश्यक मानिसहरु हिँडडुल नगर्न समेत वडा कार्यालयले सबैमा आग्रह गरेको छ । त्यस्तै अपरिचित व्यक्ति वडामा प्रवेश गरेका देखेमा सम्बन्धित वडाअध्यक्ष वा वडा कार्यालयमा सम्पर्क गर्न वडा कार्यालयले सबैमा आग्रह गरेको छ ।

यस्तो छ वडा कार्यालयको सुचना ।

 

सम्बन्धित समाचार

त्रिशुली बजारलाई छोएन लकडाउनले