नुवाकोटमा एकहजारभन्दा बढी होम क्वारेन्टाइनमा

नुवाकोट । नुवाकोटमा एकहजाभन्दा बढी मानिसहरु होम क्वारेनटाइनमा रहेको स्वास्थ्य कार्यालय नुवाकोटले जनाएको छ ।

स्वास्थ्य कार्यालयका अनुसार जिल्लामा एक हजार एकसय ७७ जना होम क्वारेनटाइनमा रहेका छन । जसमध्ये सबैभन्दा बढी म्यागङ गाउँपालिकामा ४ सय १० जना रहेका छन भने ककनी र शिवपुरी गाउँपालिकाका कोहीपनि होम क्वारेनटाइनमा रहेका छैन । पछिल्लो एकसाता यता काठमाण्डौबाट नुवाकोट धेरै मानिसहरु भित्रिएका कारण होम क्वारेनटाइनसमा बस्ने व्यक्तिहरुको संख्या बढेको स्वास्थ्य कार्यालय नुवाकोटका प्रमुख सागरप्रसाद घिमिरेले जानकारी दिए । पछिल्लो एक साता यता लकडाउनका कारण काठमाण्डौमा फसेका नुवाकोटेहरुलाई काठमाण्डौबाट विभिन्न राजनितिक दलका नेताहरुल वस रिर्जभ गरेर नै जिल्ला भित्राएपछि क्वारेनटाइनमा बस्नेहरुको संख्या बढेको उनको भनाई छ ।

स्वास्थ्य कार्यालयका अनुसार होम क्वारेनटाइनमा बस्नेहरुको संख्या सबैभन्दा बढी म्यागङ गाउँपालिका रहेको छ । त्यहाँ होम क्वारेनटाइनमा बस्नेहरुको संख्या ४ सय १० जना रहेका छन । त्यस्तै किस्पाङ गाउँपालिकामा २ सय २६ जना,दुप्चेश्वर गाउँपालिकामा एकसय ४० जना,विदुर नगरपालिकामा एकसय २९ जना र तारकेश्वर गाउँपालिकामा एक सय ५ जना रहेका छन । त्यस्तै तादी गाउँपालिकामा एकसय जना,सुर्यगढी गाउँपालिकामा ५१ जना,बेलकोटगढी नगरपालिकामा ७ जना,लिखु गाउँपालिकामा ८ जना र पन्चकन्या गाउँपालिकामा एकजना रहेका छन ।

जिल्ला स्वास्थ्य कार्यालयले जिल्लामा एकहजार एकसय ७७ जना होम क्वारेनटाइनमा रहेको बताएपनि यो तथ्याङमा विश्वास गर्न नसकिने सरोकारवालाहरु बताउँछन ।