तीन हप्तासम्म बालबालिकालाई घरबाहिर ननिस्किन शिक्षा मन्त्रीकाे आग्रह

विदुर खबर २०७६ चैत ४ गते २०:४८

काठमाडौँ । कारोना भाइरसकाे संक्रमण फैलिने त्रास बढेपछि नँया शैक्षिक सत्र सुरु नभएसम्म बालबालिकालाई घर बाहिर ननिस्किन शिक्षा विज्ञान तथा प्रविधि मन्त्री गिरीराजमणी पोखरेलले आग्रह गरेका छन् ।

Advertisement

मंगलबार सूचना जारी गर्दै मन्त्री पोखरेलले देशभरका करिब ७० लाख विद्यालय जाने उमेरका बालबालिकालाई विषेश सावधानी अपनाउन आग्रह गरेका हुन् । यस अघि मन्त्रालयले जारी गरेको सूचना अनुसार चैत ५ गते भित्रमा कक्षा १ देखि ९ सम्मको परिक्षा सम्पन्न भइसक्ने छ ।

यस्तै, विद्यालयमा शैक्षिक कार्यक्रम, अभिभावक दिवस, नतिजा प्रकासन, नँया भर्ना जस्ता भीडभाड हुने कार्य नगर्न मन्त्रालयले जनाएको छ ।

Advertisement

चैत ६ देखि १७ गतेसम्म हुन लागेको एसईई परीक्षा भने आवश्यक सावधानी अपनाएर तोकिएको समयमै सञ्चालन हुने मन्त्री पोखरेलले जनाएका छन् । यस वर्षको एसईई परीक्षामा कुल ४ लाख ८२ हजार २१९ जना विद्यार्थी सहभागी हुँदै छन् ।

एसईईको सम्पूर्ण तयारी पूरा भएको र विद्यार्थीहरु समेत परीक्षा केन्द्रमा पुगिसकेकाले पूर्वनिर्धारित समयमै परिक्षा सम्पन्न गरिने पोखरेलले बताएका छन् ।

Advertisement

प्रतिक्रिया