क्षेत्रपाल माविको ४६ औ वार्षिकोत्सव सम्पन्न

लिखु । लिखु गाउँपालिका वडा नम्बर ४ चौघडामा रहेको क्षेत्रपाल माध्यामिक विद्यालयको ४६ औ वार्षिकोत्सव तथा छात्रवृति कार्यक्रम सोमबार सम्पन्न भएको छ ।

कार्यक्रममा बोल्दै पुर्व अर्थमन्त्रि तथा नेपाली कांग्रेसका नेता डा. रामशरण महतले क्षेत्रपाल माध्यामिक विद्यालय नुवाकोटकैै नमुना मा.बि रहेको बताए । उनले विद्यालयलाई अझै उत्कृट बनाउन सबै लाग्नु पर्ने बताए । उनले फरक प्रसंगमा बिकाश निर्माण गर्न सबै एक भएर लागे मात्र सम्भव हुने बताए । उनले नुवाकोट क्षेत्र नं १ लगाएत पुरै नुवाकोटको बिकाश गर्न आफु मरिमेटेको बताए ।

यस्तै कार्यक्रममा नेपाली कांग्रेस नुवाकोटका सभापती जगदिश्वर नरसिंह केसीले शिक्षकहरु राजनितीमा होमिनाले सामुदायिक बिद्यालयहरुको शिक्षाको गुणस्तर खस्केको बताए । उनले निर्बाचित जनप्रतिनिधि हरुले शिक्षा क्षेत्रलाई बढि जोड दिनु पर्ने बताए ।  कार्यक्रममा कांग्रेस महासमिति सदस्य रमेशकुमार महतले स्कुलमा छिटै स्वास्थ्य शिबिर संचालन गराउने प्रतिबद्धता ब्यक्त गरेका छन् ।

वार्षिकोत्सवको अबसरमा २०७५ सालमा एसईईमा उत्कृष्ट नतिजा ल्याउने ६ जनालाई नगद सहित सम्मान गरिएको छ । साथै पुर्व प्रधानाध्यापक तथा पुर्व ब्यवस्थापन समितिका पदाधिकारीहरु लाई समेत सम्मान गरिएको छ ।कार्यक्रममा युवा व्यवसायी तथा समाजसेवी शैलेश श्रेष्ठ, अभिभावक तथा शिक्षाप्रेमीहरुको पस्थिति रहेको थियोे ।