नुवाकोटका निर्माण व्यवसायीको प्रशासनमा धर्ना

विदुर । सार्वजनिक खरिद ऐन (आठौं संशोधन) नियमावलीमा पुनः संशोधनको माग गर्दै नुवाकोटका निर्माण व्यवसायीहरुले मंगलबार जिल्ला प्रशासन कार्यालय नुवाकोटमा धर्ना दिएका छन ।

म्याद थप र क्रेडिट लाईन लगायतका व्यवस्थामा संशोधन हुनुपर्ने मागसहित संघले जिल्ला प्रशासन कार्यालयमा शान्तिपुर्ण धर्नाको आयोजना गरेको हो । नुवाकोट निर्माण व्यवसायी संघका अध्यक्ष सुमन अधिकारीले बैकको क्रेडिट लाईनका कारण निर्माण व्यवसायीहरु प्रतिपर्धी हुन नसकेकोले आफुहरु विरोधमा उत्रनु परेको बताए ।

निर्माण व्यवसायी संघले २५ बुँदे माग राखी चरणबद्ध आन्दोलनका कार्यक्रम सार्वजनिक गरेको छ ।
व्यवसायीहरुले माग पूरा नभए वर्ग अनुसार इजाजतपत्र बुझाउँदै जाने, हेभी ईक्युप्मेन्ट सहित सडकमा प्रदर्शन गर्ने, बोलपत्र बहिष्कार गर्ने अनि निर्माण कार्यसमेत ठप्प पार्ने समेत सरकारलाई चेतावनी दिएका छन ।