संगम दौड प्रतियोगिता सम्पन्न, उपाधि सुजन राई र योगिता तामाङ पोल्टामा

नुवाकोट । नुवाकोटको बट्टारमा आयोजित संगम दौड प्रतियोगिताको उपाधि सुजन राई र योगिता तामाङले हात पारेका छन ।

संगम बचत तथा क्रृण सहकारी लिमिटेडले १५ औ वार्षिक साधारण सभाको अवसर पारेर आयोजना गरेको प्रतियोगिताको उपाधि छात्रातर्फको उपाधि च्वाडी उच्च माविकी योगिता तामाङले हात पारिन भने छात्रतर्फको उपाधि भिमसेन माविका सुजन राईले हात पारेका हुन ।

त्यस्तै छात्रातर्फ दोस्रो स्थान अर्किडकी एलिना श्रेष्ठ र तेस्रो स्थान भैरवी एकेडेमीकी रजनी कुमालले हात पारिन । यस्तै छात्रतर्फ त्रिभुवन त्रिशुली उच्च माविका दिपक घलेले दोस्रो स्थान हात पार्दा त्रिशुली उच्चा माविकै तामाङले तेस्रो स्थान हात पारेका थिए । प्रतियोगितामा विजेताहरुलाई ३० गते साधारणसभाको अवसरमा सम्मान गरिने सहकारीले जनाएको छ । प्रतियोगितामा ६० जनाभन्दा बढी विद्यार्तीहरुको सहभागिता रहेको थियो ।