समुदाय–प्रहरी साझेदारी कार्यक्रम अन्र्तगत प्रहरीसँग एक दिन कार्यक्रम सम्पन्न

नुवाकोट । समुदाय–प्रहरी साझेदारी कार्यक्रम अन्र्तगत प्रहरीसँग एक दिन कार्यक्रम सम्पन्न भएको छ ।

कार्यक्रम अन्र्तगत विदुर नगरपालिका वडा नम्बर ५ माझिटारस्थित च्वाडी माध्यमिक बिद्यालयका कक्षा ९ र १० मा अध्ययनरत विद्यार्थीहरुलाइ जिल्ला प्रहरी कार्यालयको भ्रमण तथा अवलोकन गराई प्रहरीको कामकारवाही तथा सेवा सम्बन्धी जानकारी गराइएको छ ।

कार्यक्रममा जिल्ला प्रहरी कार्यालय नुवाकोटका अनुसन्धान अधिकृत तथा प्रहरी निरीक्षक बिष्णुहरी फुँयाल र सामुदायिक प्रहरी सेवा केन्द्र बट्टार नुवाकोटका अध्यक्ष उत्सब अर्यालले विद्यार्थीहरुलाई लागुऔषध दुरुपरोग, यसको असर,लागुऔषध बिरुद्दको कानुनी प्रावधानहरु र मानब बेचबिखन तथा ओसार–पसार सम्बन्धमा प्रशिक्षण दिएका थिए ।