नुवाकोटमा मानव बेचविखन तथा ओसारपसार विरूद्वको दिवस मनाइयो

नुवाकोट । १३ औ राष्ट्रिय मानव बेचविखन तथा ओसारपसार बिरूद्व दिवस देशभर विभिन्न कार्यक्रम गरी मनाएको छ । सोही अवसरमा नुवाकोटमा पनि विशेष कार्यक्रम गरी मनाएको छ ।

जिल्ला प्रशासन कार्यालय र जिल्ला प्रहरी कार्यालय नुवाकोट लगायतका विभिन्न संघ संूथाको आयोजनामा मानव बेचविखन तथा ओसारपसार विरूद्वको कार्यक्रम गरिएको हो । कार्यक्रममा जिल्ला समन्वय समितिका प्रमुख सन्तामान तामाङ, विदुर नगरपालिकाका प्रमुख सञ्जु पण्डित, नुवाकोटका प्रमुख जिल्ला अधिकारी द्रोण पोखरेल, प्रहरी प्रमुख अबिनारायण काफ्ले, लगायतले बेचविखन र ओसारपसार गर्नेलाई कानूनी कठघरमा ल्याउनुपर्ने बताए ।

नुवाकोट आर्दश बहुमुखी क्याम्पस बट्टारबाट शुरु भएको प्रभातफेरिमा बिद्यार्थी, शिक्षक, सुरक्षा निकायहरू, बुद्विजिवी, आमा समुह, लगायतको उपस्थिति रहेको थियो । उनीहरुले मानव वेचविखन तथा ओसारपसार विरूद्वको प्लेकार्ड सहित बजार परिक्रमा गरेका थिए ।