पहिरोले पासाङल्हामु राजमार्ग अवरुद्ध

रसुवा, शनिवार रातभर परेको बर्षाको कारण पासाङल्हामु राजमार्ग अवरुद्ध भएको छ ।

पासाङल्हामु राजमार्ग अन्तर्गत कालिका–स्याउबारीदेखि रसुवागढी सडक खण्डमा पहिरो जाँदा सडक अवरुद्ध भएको जिल्ला प्रशासन कार्यालय रसुवाले जनाएको छ ।

बाढीले स्याफ्रुवेशी फुलुङ पुलभन्दा २ सय मिटर अगाडि सडक कटान गरेको छ । त्यस्तै तातोपानी लिङलिङमा माथीबाट लेदो माटो सहितको पहिरो आउँदा सडक अवरुद्ध भएको छ । यस्तै सोलेतर्फको ब्राबल सडक खण्ड समेत भासिएको जिल्ला प्रशासन कार्यालय रसुवाले. जनाएको छ । सडक सुचारुको लागि प्रयास भइरहेको बताइएको छ ।