घरेलु टोली नुवाकोट ११ सेमिफाईनलमा, फाईनल प्रवेशको लागि बुधबार खेल्ने

नुवाकोट जेठ २४, नुवाकोटमा जारी दोस्रो नुवाकोट गोल्डकप फुटवल प्रतियोगिता अन्र्तगत आज भएको पहिलो क्वाटरफाइनलमा विजय युथ क्लब हेटौडालाई १–२ गोल अन्तरले पराजित गर्दै घरेलु टोली नुवाकोट सेमिफाइनलमा प्रवेश गरेको छ ।

निकै प्रतिष्पर्धात्मक खेलमा घरेलु टोली नुवाकोट ११ ले पहिलो हाफको अतिरित्त समयदेखि दश खेलाडीमा सिमित विजय युथ क्लबलाई पराजित गरेको हो । खेलको ४२ औ मिनेटमा विजय युथका लागि जर्सी नम्बर १६ का ओका वोटाले नुवाकोेट ११ का खेलाडीलाई ट्याकल गरेपछि उनी दोस्रो पहेँलो कार्ड व्यहोर्दै मैदानमा छाड्न बाध्य भए ।

नुवाकोटको लागि खेलको ५ औ र ५२ औ मिनेटमा जर्सी नम्बर ५ का रोमियोले गोल गरेका गरेका थिए । खेलको शुरुवात देखिनै विजय युथ हेटौडालाई दबाबमा राखेको नुवाकोटले संघर्षपुर्ण जित निकाल्न सफल भएको हो । दश खेलाडीमा सिमित विजय युथले दोस्रो हाफमा पुनरागमन गदै घरेलु टोलीलाई दबावमा राखेको थियो । फलस्वरुप विजय युथको लागि खेलको ७१ औ यामिक वानलले गोल गर्दै गोल अन्तर घटाएका थिए । निकै राम्रो प्रयासहरु विजय युथ हेटौडाले गुमाउँदा नुवाकोट ११ विजयी भयो । सेमिफाईनल प्रवेश गरेको नुवाकोट ११ ले फाइनल प्रवेशको लागि विभागिय टोलीहरु नेपाल पुुलिस क्लब र शसस्त्र प्रहरीको एपिएफबीचको विजेतासँग बुधबार प्रतिष्पर्धा गर्नेछ ।

जिल्ला खेलकुद विकास समिति नुवाकोट र नुवाकोट फुटवल संघको आयोजनामा तथा विदुर नगरपालिकाको संरक्षकत्वमा भएको प्रतियोगितामा नुवाकोट ११, विभागिय टोलीहरु नेपाल पुलिस,शसस्त्र प्रहरी बल र नेपाली आर्मी क्लबले सहभागिता जनाएका छन । त्यस्तै ए डिभिजनका क्लबहरु मनाङ, संकटा, च्यासल युथ क्लबल, चितवन ११, विजय युथ हेटौडा र काठमाणडौको दिपशिखा युवा समुहसहित १० टोलीले सहभागिता जनाएका छन । प्रतियोगिताको विजेताले ६ लाख र उपविजेताले ३ लाख रुपैयाँ प्राप्त गर्नेछन । प्रतियोगिता आगामी जेठ ३१ गतेसम्म सन्चालन हुने बताइएको छ । प्रतियोगिता अन्र्तगत शनिबार विभागिय टोली नेपाल आर्मी क्लब र संकटा क्लबबीच दोस्रो क्वाटरफाइनल खेल हुनेछ ।