मेलमिलापकर्ता उत्पादन गर्दै विदुर नगरपालिका

नुवाकोट जेठ ७ ,विदुर नगरपालिकाले आफ्ना वडा कार्यालयमा मेलमिलापकर्ताहरु अपुग भएको भन्दै नयाँ मेलमिलाप कर्ता उत्पादनको लागि शनिबारबाट तालिमको आयोजना गरेको छ ।

विदुर नगरपालिकाको न्यायिक समितिको आयोजना तथा प्राकृतिक श्रोत द्वन्द रुपान्तरण केन्द्र नेपालको सहजिकरणमा तालिम संचालन भएको हो । तालिम आगामी जेठ १२ गतेसम्म संचालन हुने बताइएको छ । तालिममा नगरक्षेत्र भित्रका महिला र पुरुष गरि २७ जनाको सहभागिता रहेको विदुर नगरपालिकाले जनाएको छ ।