तेस्रो एनयुएफसी फुटसल प्रतियोगितामा २४ विद्यालय सहभागी हुने

नुवाकोट । नुवाकोटको बट्टारमा बिहिबारदेखि शुरु हुने तेस्रो एनयुएफसी फुटसल कप फुटसल प्रतियोगितामा जिल्लाका २४ विद्यालयको सहभागीता रहने भएको छ ।

नुवाकोट युनाइटेड फुटवल क्लबको आयोजनामा हुन लागेको प्रतियोगितामा छात्रातर्फ १२ र छात्रतर्फ २५ विद्यालयको सहभागिता रहने बताइएको छ ।

लिगकम नकआउटका आधारमा खेलाइने प्रतियोगिताको विजेता र उपविजेताले नगद, ट्रफी, मेडल र सर्टिफिकेट प्राप्त गर्ने प्रतियोगिताका सयोजक तथा नुवाकोट युनाइटेड फुटवल क्लबका कविन्द्र कोईरालाले जानकारी दिए ।

प्रतियोगितामा उत्कृष्ट प्रर्दशन गर्ने गोलकिपर, उच्च गोलकर्ता, उत्कृष्ट खेलाढी र प्रशिक्षकले समेत ट्रफी र सम्मान पत्र प्राप्त गर्नेछन् ।
प्रतियोगिताको खेल यहि साउन ३१, ३२ र भदौ १ गते खेलाइने छ ।

प्रतियोगिताको उद्घाटन विदुर नगरपालिकाका मेयर राजन श्रेष्ठले गर्नेछन् ।  प्रतियोगिताको ड्र समेत सार्वजिनक गरि सकिएको छ ।

उद्घाटन खेलमा श्री युनाइटेड आधारभुत विद्यालय र स्टार ईङ्लिस बोर्डिङ स्कुलवीच प्रतिष्पर्धा हुने छ ।