साईकल र्दुघटना हुँदा नुवाकोटमा एक जनाको ज्यान गयो

नुवाकोट । विदुर नगरपालिका वडा नम्बर ७ साहुगाउँमा साईकल दुर्घटना हुँदा एक जनाको मृत्यु भएको छ ।

मृत्यु हुनेमा विदुर ७ साहुगाउँका ६० वर्षिय दक्षमान तामाङ रहेको जिल्ला प्रहरी कार्यालय नुवाकोटले जनाएको छ । सोमवार दिउँसो १२ बजेतरि आफैले चलाएको साईकल ओरोलोमा अनियन्त्रित हुँदा तामाङ सडकबाट ५ मिटर तल खसेर गम्भीर घाईते भएका थिए ।

गम्भीर घाइते भएका तामाङको घटनास्थलमै मृत्यु भएको जिल्ला प्रहरी कार्यालय नुवाकोटका सुचना अधिकारी खगेन्द्र बहादुर खड्काले जानकारी दिए ।

घटनाको विषयमा अनुसन्धान जारी रहेको प्रहरीले जनाएको छ । उनको शव पोष्टमार्टम पछि परिवारलाई बुझाइएको छ ।