नुवाकोटमा भारी वर्षा, त्रिशुली नदिको वहाब बढ्यो

नुवाकोट । नुवाकोटमा आईतवार विहानैदेखि भारी वर्षा भएको छ ।

जल तथा मौसम विज्ञान विभागले नुवाकोटसहित देशभर ठुलो वर्षा भएको जानकारी दिएको छ । विभागका अनुसार आईतबार साँझसम्म नुवाकोटमा ६७.४ मिमिमिटर वर्षा भएको छ ।

वर्षाको कारण त्रिशुली, तादी, लिखु खोला लगायत खोलामा बाढी आएको छ । त्रिशूली खोलाको वहाब ३.८ र तादी खोलाको बहाब ३.४ मिलिमिटर रहेको छ ।

यसैबिच आईतवार विहानै भएको वर्षाको कारण नुवाकोटको विभिन्न स्थानमा बाढी र पहिरो आएपनि क्षतिको विवरण भने नआएको जिल्ला प्रहरी कार्यालय नुवाकोटले जानकारी दिएको छ ।