तारकेश्वर गाउँपालिका अध्यक्ष अधिकारीबाट ढलान बाटोको अवलोकन

नुवाकोट । नुवाकोटको तारकेश्वर गाउँपालिकाका अध्यक्ष शिव अधिकारीले ढलान बाटोको अवलोकन गरेका छन् ।

गाउँपालिकाको वडा नम्बर ४ को छात्रेखोलाबाट बुधसिंह जाने उकालोमा पर्ने समस्याग्रस्त सडकखण्डमा निर्माण भइरहेको ढलानको अवलोकन गरेका हुन् ।

ठाडो उकालोमा स्तरीय सडक नहुँदा यसअघि यहाँको सवारी आवागमन निकै सकसपूर्ण बन्ने गरेको थियो । अवलोकनपछि अध्यक्ष अधिकारीले बुधसिंहसम्मको बाँकी खण्डमा ग्राभेलका लागि यथाशीघ्र एस्टिमेट तयार गर्न निर्देशन दिएका छन् ।

२५ लाख रुपैयाँको लागतमा निर्माण भइरहेको ढलानको काम अन्तिम चरणमा पुगेको छ ।