महिला र पुरुषका लागि चुनाैती बराबर छ : बाेगटी

नुवाकोट । बिदुर नगरपालिकाकी उपमेयर प्रभा बोगटीले पुरुष र महिलाका लागि चुनौतीको मैदान बराबर हुने गरेको बताइएकी छिन् ।

कान्तिपुर कन्क्लेभको दोस्रो दिन ‘नेतृत्वमा महिला, अब पहिला’ कार्यक्रममा बोल्दै बोगटीले चुनावी मैदान फरक हुनुपर्छ भन्ने मान्यता पनि नराख्ने बताइन् ।

‘चुनावी मैदान पुरुष र महिलाका लागि एकै हुने गरेको छ’ बोगटीले भनिन्, ‘पुरुष र महिलाबीच चुनावी मैदान फरक हुनुपर्छ भन्न पनि लाग्दैन ।’

चुनाव प्रक्रिया पार गर्दैगर्दा सिफारिसको प्रारम्भिक चरण होस् वा फिल्डमा जाने समयमा आर्थिक स्रोत पुरुषभन्दा महिलामा कम हुने गरेको उनले बताइन् ।