नुवाकोटको त्रिशूली नदीमा हाम फालेर एक वृद्ध बेपत्ता

नुवाकोट।  विदुर नगरपालिका ५ देवीघाट बजारका स्थानीय टीकाप्रसाद अधिकारी त्रिशूली नदीमा हाम फालेर बेपत्ता भएका छन् ।

उनी मंगलबार रातिदेखि बेपत्ता भएको परिवारले जनाएको छ ।

६७ वर्षीय अधिकारी घरमा कसैलाई जानकारी नदिई हिँडेको र घर नफर्केपछि खोजलतासको क्रममा बुधबार बिहान ९ बजे उनले लगाएको लुगा देवीघाटस्थित जालपादेवी मन्दिर छेउमा भेट्टिएको प्रहरीले जनाएको छ ।