देविघाटका एक बृद्ध खोलामा हामफालेर बेपत्ता

नुवाकोट । नुवाकोटको विदुर नगरपालिका वडा नम्बर ५ का एक बृद्ध खोलामा हाम फालेर बेपत्ता भएका छन् ।

बेपत्ता हुनेमा विदुर नगरपालिका वडा नम्बर ५ देविघाट बजारमा बस्ने ६७ वर्षका टिकाप्रसाद अधिकारी रहेको जिल्ला प्रहरी कार्यालय नुवाकोटले जनाएको छ ।

मंगलवार राती १० बजेतिर घरमा कसैलाई जानकारी नदिई घरबाट निस्किएका उनको खोजतलास गर्ने क्रममा आज (बुधवार) विहान ९ बजे उनको लुगा देविघाटको मन्दिर छेउमा भेटिएको नुवाकोटका प्रहरी नायव उपरिक्षक रुपक खड्काले जानकारी दिए ।

खड्काका अनुसार जालपा मन्दिरमा रहेको सिसिटिभी क्यामेरा चेक गर्दा अधिकारीले नदिमा त्रिशुली नदिमा हामफालेको देखिएको थियो ।

अहिले उनको खोजी भइरहेको प्रहरीले जनाएको छ ।