दियो पाठशालाको बिल ‘फोनपे’ र ‘ई-सेवा’बाट तिर्न सकिने

नुवाकोट । विदुर नगरपालिका विदुरमा रहेको दियो पाठशाला मन्टेश्वरीको शुल्क भुक्तानी फोनपे र ई-सेवाबाट गर्न सकिने भएको छ।

अनलाइन शुल्क भुक्तानीको सेवा सुरू भएसँगै अब अभिभावकले घरबाटै आफ्ना नानीबाबुहरूको स्कुलको शुल्क भुक्तान गर्न सक्नेछन् । क्यासलेस कारोबारको लागि अनलाइन भुक्तानीको सेवा सुरू गरिएको विद्यालयका प्रिन्सिपल पम्फा श्रेष्ठले बताईन् ।

अनलाइन भुक्तानीको सेवा सुरू भएसँगै अब मन्टेश्वरीका विद्यार्थीका अविभावकले आफ्नै मोबाईल तथा नजिकको ई-सेवा जोन तथा पोइन्टबाट शुल्क भुक्तानी गर्न सक्नेछन् ।

साथै फोनपेमा आबद्ध रहेका २४ वाणिज्य बैंक, १४ विकास बैंक, ११ बित्तिय संस्था, ६ सहकारी, सेलपे, आईएमई पे, प्रभु पे लगायतका मोबाईल एपबाट पनि मन्टेश्वरीको फोनपे कोड स्क्यान गरी बिल भुक्तानी गर्न सकिनेछ ।

यस अघि मन्टेश्वरीले डिजिटल वालेट “खल्ती” सँग सहकार्यमा बिल भुक्तानीलाई डिजीटल गरेको थियो ।