नेपाली कांग्रेस नुवाकोटका पुर्व उप–सभापति एमाले प्रवेश

नुवाकोट । नेपाली कांग्रेस नुवाकोटका पुर्व उप–सभापति यम बहादुर थापा नेकपा एमाले प्रवेश गरेका छन् ।

थापासँगै युवा ब्यवसायी तथा नेपाली कांग्रेसका युवा नेता भगवान पौडेल पनि एमाले प्रवेश गरेका हुन् ।

उनीहरुलाई नेकपा एमाले नुवाकोटका अध्यक्ष बद्री मैनालीले पार्टी प्रवेश गराएका हुन् । एमाले प्रवेश गरेका थापाले कांग्रेस विधि र नियमसंगत नचलेको भन्दै एमाले प्रवेश गरेको बताए ।

त्यस्तै युवा व्यवसायी भगवान पौडेलले कांग्रेसमा व्यक्तिवादी चरित्र हाबी भएकोले कांग्रेसको विकल्प खोज्नु परेको जानकारी दिए ।

पुर्व जिल्ला उप–सभापति नै एमाले प्रवेश गरेपछि नुवाकोट कांग्रेस झस्किएको छ ।