काठमाण्डौको फोहोर चार दिनदेखि उठेन
नुवाकोट । अवरोधका कारण फेरि काठमाडौंमा फोहोर उठाउने काम बन्द भएको छ ।

मुड्खु–तीनपिप्ले सडकखण्डका बासिन्दाले चार दिनदेखि आन्दोलन गरेका कारण फोहोर व्यवस्थापन ठप्प भएको हो । सरकारले ७ वर्षदेखि ठेक्का लिएको शैलुङ कन्ट्रक्सनले कालोपत्र नगरेको कारण स्थानीयले बाटो अवरुद्ध गरी फोहोर व्यस्थापन ठप्प पारेका थिए ।
यसअघि गएको फागुन १ देखि १२ गतेसम्म बाटो बन्द भएपछि ठेकेदार कम्पनीले तत्काल कालोपत्रे गर्ने जनाएको थियो । एक महिना नाघिसक्दा पनि कालोपत्रे नगरेको भन्दै फोहोर व्यस्थापनमा अवरोध पुर्याएका हुन् ।
काठमाडौं महानगरपालिका वातावरण व्यवस्थापन विभागका सिसडोल इन्चार्ज रविन प्यासीले स्थानीयबासीसँग छलफल भइरहेको बताउँदै एक दुई दिनभित्रै फोहोर व्यवस्थापन हुने बताउनुभयो । उहाँले भन्नुभयो– ‘हिजोबाट पिच गर्ने सामान ल्याउन थालेको छ । सायद काम शुरू गरेलगत्तै सिसडोलमा फोहोर पुर्याउन शुरू गर्नेछौं ।’
स्थानीयवासीको नाममा पटकपटक फोहोर व्यवस्थापन कार्यमा अवरोध भएपछि राजधानीलगायत १८ स्थानीय निकायको फोहोर बाटोमै थुप्रिएको छ । कामपा सिसडोल ल्यान्डफिल साइट प्रमुख प्यासीले भन्नुभयो– ‘स्थानीयसँग छलफल गरिरहेका छौं, अब समस्या नहोला ।’ यसअघि विभिन्न माग राख्दै सिसडोलवासीले फोहोर अवरुद्ध गरेका थिए ।
१२ दिनसम्म फोहोर व्यवस्थापन हुन नसकेपछि मन्त्री परिषद्को बैठकले टाक्स फोर्स गठन गरेको थियो । कामपाका कार्यकारी अधिकृत सदस्यसचिव रहेको टाक्सफोर्सले काम गर्न नपाउँदै फेरि फोहोर व्यवस्थापनमा अवरोध आएको छ ।
स्थानीयको अवरोधका कारण फागुन महिनामा मात्रै योसमेत गरी तेस्रोपटक फोहोर अवरुद्ध भइसकेको छ ।
- १ सरकारको स्वास्थ्य बीमाः ३५ सय तिर्दा वार्षिक १ लाखको सेवा
- २ नुवाकोटका सन्तोष उप्रेति होटल व्यवसायी महासंघको उपाध्यक्षमा निर्वाचित
- ३ सीमा नाकामा भिडन्त, एक सशस्त्र प्रहरी र आठ भारतीय व्यापारी घाइते
- ४ नुवाकोट आदर्श बहुमुखी क्याम्पसको निमित्त प्रमुखमा भोलाप्रसाद पाण्डे
- ५ चिसो बढ्यो, उच्च हिमाली भू-भागमा हल्का हिमपातको सम्भावना









एकीकृत तथ्याङ्क संकलन गर्न भोटेकोशी–त्रिशूली बाढी पीडितको माग
बच्छला माविका २३८ विद्यार्थीलाई न्यानो कपडा वितरण
त्रिभुवन त्रिशूली बहुमुखी क्याम्पसको पुनर्निर्माणमा एनसेल फाउन्डेसनले सघाउने
“हल्ला नगर्नु है” भन्दै भुजेल रास्वपा प्रवेश गरेको पुष्टि
तुप्चेका रिजालले सामाजिक सेवामार्फत जन्मदिन मनाए





प्रतिक्रिया