कांग्रेस केन्द्रिय सदस्यमा नुवाकोटका महत र केसी विजयी

नुवाकोट । नेपाली कांग्रेसको केन्द्रीय सदस्यमा नुवाकोटका नेताद्धय डा. रामशरणमहत र अर्जुन नरसिंह केसी निर्वाचित भएका छन् ।

आईतवार राती सम्पन्न मतगणनामा केसीले २ हजार ६ सय ५० मत पाएका छन् । भने डा. रामशरण महतले २ हजार ४ सय २४ मत प्राप्त गरेका छन् । उनीहरुले खुलातर्फ ३५ जनाका लागि उम्मेदवारी दिएका थिए ।

केन्द्रीय सदस्यमा निर्वाचित महत र केसी दुबै पुर्र्वमन्त्रि हुन् । दुबैजनाले केन्द्रिय सदस्यमा सभापतिमा पराजित शेखर कोइरालाको समूहबाट उम्मेदवारी दिएका थिए ।

नुवाकोट कांग्रेसमा भाँडभैलो मच्चाएका कारण सबै निर्वाचिन क्षेत्रहरू केसी समुहले हार व्यहोरेका कारण केसीलाई यो जितले सान्त्वना दिएको छ ।