त्रिशुली माविमा विद्यार्थीहरुको स्वास्थ्य परिक्षण

नुवाकोट । नुवाकोटको विदुर नगरपालिका वडा नम्बर १ त्रिशुलीमा रहेको त्रिभुवन त्रिशुली माध्यामिक विद्यालयले विद्यार्थीहरुको स्वास्थ्य परिक्षण गरेको छ ।

त्रिशुली माविको आयोजना तथा स्टार अस्पताल नुवाकोट ढुङ्गेको सहयोगमा विद्यालयमा स्वास्थ्य परिक्षण गरिएको विद्यालय व्यवस्थापन समितिका अध्यक्ष नविन्द्रमान प्रधानले जानकारी दिए ।

विद्यार्थीहरुको स्वास्थ्य अवस्था पहिचान गर्ने, स्वास्थ्यप्रति सचेत बनाउने र जटिल रोग देखिएका बिरामीलाई थप उपचारको व्यवस्था मिलाउने उद्देश्यले विद्यालयमै स्वास्थ्यकर्मी पुगेर स्वास्थ्य परिक्षण गरिएको उनले बताए ।