भारतमा संक्रमित र मृतकका संख्या घट्दै

नुवाकोट ।  पछिल्लो तथ्यांकअनुसार भारतमा कोभिड–१९ को संक्रमित संख्या र मृतकको संख्यामा क्रमशः कमि आउन थालेको छ ।

यसैबीच, देशव्यापी खोप अभियानअन्तर्गत शुक्रबार बिहानसम्म २२ करोड डोज खोप प्रदान गरिएको छ ।पछिल्लो २४ घन्टामा भारतमा १ लाख ३२ हजार ३६४ सक्रिय घटना दर्ता गरिएको छ । यसका साथै देशको कुल संक्रमित संख्या २ करोड ८५ लाख ७४ हजार ३ सया ५० पुगेको छ ।

विगत २४ घन्टामा ७७ हजार ४ सय २० ले घटेर देशको कुल सक्रिय घटना १६ लाख ३५ हजार ९ सय ९३ पुगेको छ । साप्ताहिक सकारात्मकता दर हाल ७ दशमलव २७५ छ भने दैनिक सकारात्मकता दर ६ दशमलव ३८५ मा कायम छ । लगातार ११ दिन यो दर १ सय ५ भन्दा कम रहन पुगेको छ ।

स्वास्थ्य र परिवार कल्याण मन्त्रालयको तथ्यांकअनुसार, सोही अवधिमा २ हजार ७ सय १३ जनाको मृत्यु भएको छ । जसको परिणामस्वरूप देशमा मृतक संख्या ३ लाख ४० हजार ७ सय २ पुगेको छ ।

लगातार दुई महिना कहालीलाग्दो स्तरमा बढेको कोभिड संक्रमण अब भने घट्ने क्रममा रहेको छ । विज्ञहरूका अनुसार यस स्थितिलाई अब हालको स्वास्थ्य पूर्वाधारले नियन्त्रण गर्न सक्दछ ।अधिकांश राज्यहरूमा नयाँ संक्रमण गणनामा गिरावट आएको छ । तर, अझ महवपूर्ण कुरा भनेको मृत्युदरमा पनि कम हुँदै जानु हो ।

हाल दैनिक ३ हजारभन्दा कम मृत्यु संख्या दर्ता हुने गरेको छ । जबकि, १० दिन अगाडि दैनिक ४ हजार ४ सय जनाभन्दा बढीको मृत्यु हुने गरेको थियो ।हालसम्म देशमा ३५ दशमलव ७ करोडभन्दा बढी मानिसको परीक्षण भइसकेको छ ।स्वास्थ्य मन्त्रालयका अनुसार गत २४ घन्टामा २ लाख ७ हजार ७१ जना संक्रमण मुक्त भएका छन् ।

यसका साथ देशको कुल संक्रमण मुक्त संख्या अब २ करोेड ६५ लाख ९७ हजार ६ सय ५५ पुगेको छ भने संक्रमण मुक्त दर ९३ दशमलव ८०५ पुगेको छ ।