नुवाकोटका प्रहरी प्रमुख फेरिए, नयाँ एसपीको रुपमा तुलवहादुर कार्की आउँदै

नुवाकोट । नुवाकोटका प्रहरी प्रमुख फेरिएका छन् ।

प्रहरी प्रधान कार्यालयले ४९ प्रहरी उपरीक्षक(एसपी)को सरूवा गरेसँगै नुवाकोटका प्रहरी प्रमुख अभिनारायण काफ्लेको सरुवा भएको हो । प्रहरी प्रमुख काफ्लेलाई अख्तियार दुरुपयोग अनुसन्धान आयोगको केन्द्रिय कार्यालय प्रहरी महाशाखा टंगाल काठमाण्डौमा सरुवा गरिएको छ ।

नुवाकोटमा नयाँ प्रहरी उपरिक्षक अर्थात एसपीको तुल वहादुर कार्की आउने भएका छन् । उनी हाल महानगरीय प्रहरी परिसर ललितपुरका कार्यरत थिए ।एक बर्षको नुवाकोट बसाईको क्रममा एसपी काफलेले अपराध नियन्त्रण, अबैध नदिजन्य दोहन रोक्न विशेष अभियान चलाएका थिए ।

सरुवा भएका एसपीहरुको भदौ महिनादेखिको तलब, भत्त समेत हाल सरुवा भएको दरबन्दीबाट खान पाउने गरी सरुवा गरिएको प्रहरी प्रधान कार्यालयले जनाएको छ ।