धादिङका काजी तामाङ नक्कली नोटसहित पक्राउ

काठमाडौंबाट नक्कली नोटसहित एक जना पक्राउ परेका छन् । पक्राउ पर्नेमा धादिङ रुभिभ्याली गाउँपालिका–५ घर भएका २४ वर्षीय काजी तामाङ रहेका छन् ।

तामाङलाई शुक्रबार राति काठमाडौं महानगरपालिका–१६ माछापोखरी चोकबाट १ हजार दरका ६ थान नक्कली नेपाली नोटसहित प्रहरीले पक्राउ गरेको हो । महानगरीय प्रहरी वृत्त बालाजुबाट खटिएको प्रहरीले शंकास्पद रुपमा हिँडीरहेका तामाङलाई जाँच गर्ने क्रममा उक्त नक्कली रुपैयाँ फेला पारी पक्राउ गरेको हो ।

यस सम्बन्धमा प्रहरीले आवश्यक अनुसन्धान भईरहेको प्रहरीले जनाएको छ ।