भदौ दोस्रो सातादेखि उपत्यकामा विद्युतीय बस

नुवाकोट, भदौको दोस्रो सातादेखि उपत्यकामा विद्युतीय बस सञ्चालनमा आउन लागेको छ।

सुन्दर यातायात प्रालिले उपत्यकामा विद्युतीय बस संचालन गर्ने तयारी गरेको हो। चिनियाँ कम्पनी बिएके ब्याट्री इन्क कम्पनीले निर्माण गरेका ती बसमा ४० वटा यात्रु बस्न मिल्ने सिट छन्। भदौ ९ गतेभित्र विद्युतीय बस सञ्चालनमा ल्याइने सुन्दर यातायात प्रालिका अध्यक्ष भेषबहादुर थापाले जानकारी दिए। ‘यात्रु सिट बाहेक ३० जना यात्रुहरु उभिएर यात्रा गर्न सक्छन्, एउटा बस ७० जना यात्रु बोक्न सक्ने क्षमता भएको छ,’ अध्यक्ष थापाले भने।

विद्युतीय सवारी साधनको भाडादर भने निर्धारण भइनसकेको र सरकारलाई भाडादर निर्धारण गरिदिन समितिले माग गरेको समितिले जनाएको छ।