ककनी घटनाप्रति नुवाकोट कांग्रेसको ध्यानाकर्षण

नुवाकोट, नेपाली कांग्रेस नुवाकोटले ककनी गाउँपालिका वडा नं. १ मा वालुवा उत्खननको लागि बनाइएको खाल्डोमा डुबेर मृत्यु भएको घटनाप्रति आफ्नो गम्भीर ध्यानाकर्षण भएको जनाएको छ ।

जिल्ला सभापति जगदिश्वरनरसिंह केसिले मंगलबार विहान एक विज्ञप्ती जारी गर्दे  यसरी गैर जिम्मेवारी तरिकाले खोलामा स्काभेटर प्रयोग गरी बालुवा उत्खनन् गर्नु र लापरवाही तरिकाले बालुवा जम्मा गर्न खाल्टो खन्ने कार्यप्रति घोर आपत्ति र भत्सर्ना गर्दै यस्तो प्रकारका अवान्छित गतिविधि तत्काल वन्द गर्न माग गरेका छन ।

केशीले प्रहरी र प्रशासनले रोकथाम नगर्दा अवोध नावालक छात्रा र मजदुरको ज्यान गएको बताएका छन । साथै तत्काल मृतक परिवारलाई क्षतिपूर्ति र राहातको व्यवस्था गर्न समेत विज्ञप्तीमा माग गरिएको छ ।

यसअघि सोमबार साँझ कोल्पु खोलाको दोभानमा स्काभेटर प्रयोग गरि बालुवा झिक्न बनाइएको खाल्डोमा परि दुई महिलाको मृत्यु भएको थियो ।