शिवपुरीको काफलडाँडामा बाँदरका आक्रमणबाट एक वृद्धा घाईते

नुवाकोट, नुवाकोटकोशिवपुरी गाउँपालिकाको काफलडाँडामा बाँदरको आक्रमणबाट एक वृद्धा घाईते भएकी छिन ।

आफ्नै बारीमा घाँस काट्न गएकी स्थानिय ७० वर्षिय जेठी तामाङलाई बाँदरले आक्रमण गरि घाईते बनाएको बताइएको छ । घाईते तामाङ दुबै खुट्टामा चोट लागेको छ । यसअघि गाउँकै विमला पाण्डेलाई पनि बाटोमा हिडिँरहेको अवस्थामा केहिदिन अघि बाँदरले आक्रमण गरि घाईते बनाएको थियो ।

बाँदरले शिवपुरीमा आंतक मच्चाएको विषयमा गाउँपालिकामा समेत बारम्बार उजुरी परेपनि सुनुवाई हुन नसकेको स्थानियबासीले बताएका छन । बाँदरको आंतकले नुवाकोटको शिवपुरी गाउँपालिका मात्र नभई अन्य गाउँपालिका समेत प्रभावित भएका छन ।