पेट्रोलको मूल्य बढ्यो, ग्यासको घट्यो

नुवाकोट, नेपाल आयल निगम लिमिटेडले पेट्रोल र डिजेलको मूल्य वृद्धि गरेको छ।

निगमले मंगलबार एक विज्ञप्ति जारी गर्दै मंगलबार राती १२ बजेबाट नै बढाइएको मूल्य दर लागू हुने उल्लेख गरेको छ। निगमले पेट्रोलमा १ रुपैयाँ तथा डिजेलमा ५० पैसा बढाएको छ।

यो सँगै अब पेट्रोलको प्रतिलिटर १०९, डिजेल  र मट्टितेलको ९७ रुपैयाँ कायम भएको छ। हवाई ईन्धनको हकमा खुद्रा बिक्री मूल्य यथावत राखिएको छ। निगमले आर्थिक वर्ष २०७५/०७६ मा एलपी ग्यासमा ६ अर्ब रुपैयाँ नोक्सानी व्यहोरेको थियो।तर ग्यासको मूल्य भने प्रति सिलिन्डर २५ रुपैयाँ कम भएको छ। अब ग्याँसको मूल्य १ हजार ३७५ रुपैयाँ कायम भएको छ। मूल्य समायोजन गरे पश्चात् पनि वीरगञ्ज नाकामा नेपालतर्फको मूल्य रक्सौलको मूल्यको तुलनामा पेट्रोल र डिजलमा प्रति लिटर क्रमशः १४ रुपैयाँ ३७ पैसा र १५ रुपैयाँ ४७ पैसा सस्तो हुने निगमले जानकारी दिएको छ।