सडक संचालनको व्यवस्था मिलाउन नुवाकोट कांग्रेसको सरकारसँग माग

नुवाकोट असार २९, नुवाकोटमा सडकको दयनीय अवस्थाको कारण यात्रा गर्न गाह्रो भएको भन्दै तत्काल सडक नियमति सडक संचालन गर्न नेपाली कांग्रेस नुवाकोटले सरकारको ध्यानाकर्षण गरेको छ ।

कांग्रेस नुवाकोटका जिल्ला सभापति जगदीश्वर नरसिंह केसी नेतृत्वको टोलीले नुवाकोट प्रवेश गर्ने विभिन्न सडकहरु वर्षाको समयमा संचालन हुन कठीन भएकाले सडक तत्काल मर्मत गर्न सरकारको ध्यानाकर्षण गराएको हो ।

काठमाडौंबाट बालाजु–ककनी–बिदुर, गल्छी–त्रिशुली, टोखा–छहरे, ओखरपौवा– चाउथे–गल्छी सडकखण्डहरु मर्मत गर्न नुवाकोट कांग्रेसले आग्रह गरेको हो ।हाल वर्षातका कारण ती सडकहरुमा यातायातका साधन सञ्चालन गर्न कठीन हुँदै आएको छ ।