बिप्लवका पोलिटब्युरो सदस्य मोहनबहादुर कार्की पक्राउ

नुवाकोट असार २५, नुवाकोटमा बिप्लव माओवादीकका पोलिटब्युरो सदस्य मोहनबहादुर कार्की ‘जिवन्त‘ पक्राउ परेका छन ।

विदुर नगरपालिका वडा नम्बर २ महामण्डलमा रहेको एनसेलको टावरमा आगजनी गरेको आरोपमा उनी पत्राउ परेका हुन ।
वि.स. २०७५ चैत्र १० गते राति नुवाकोटको महामण्डल रहेको टावरमा जडान गरिएकोे बिधुतिय सामाग्रिहरुमा क्षति पुराएको भन्दै उनलाई पक्राउ गरिएको जिल्ला प्रहरी कार्यालय नुवाकोटका प्रहरी उपरिक्षक कृष्णपल्ली मगरले जानकारी दिए ।

उनलाई जिल्ला अदालत नुवाकोटबाट म्याद थप गरी अनुसंधान शुरु गरिएको जिल्ला प्रहरी कार्यालय नुवाकोटले जनाएको छ । पक्राउ परेका कार्की धादिङको निलकण्ठ नगरपालिका वडा नं. ६ का स्थानिय हुन । आगजनीको कारण टावरमा करिव साढे ३२ लाख रुपैयाँ बरारबको क्षति भएको थियो ।