कोमल वलीको तीज गीत छड्के तिलहरी सार्वजनिक (भिडियो सहित)

विदुर खबर २०७६ असार १७ गते ३:३६

नुवाकोट असार १७, राष्ट्रियसभा सदस्य तथा चर्चित लोकदोहोरी गायिका कोवल वलीको तीज गीत छड्के तिलहरी सार्वजनिक भएको छ ।

चर्चित गीतकार एकनारायण भण्डारीद्वारा संकलित गीतमा गायिका कोमल वली र उनकी बहिनी प्रज्ञा वली ‘शरद’ले स्वर दिएका छन् । गीतले दिदी बहिनी बीचको प्रेमको महत्व उजागर गरेको छ । साथमा मौलिक पर्व तीजमा हरेक नारीले लगाउने तिलहरीको पनि चर्चा गरिएको छ ।

वलीले दिदी बहिनी सौभाग्यको प्रतिक मानिने सिन्दुर, चुरा पोतेमा सजिएर गीतमा अभिनय गरेका छन् । राष्ट्रियसभा सदस्य वलीले अघिल्ला वर्षहरुका तीजमा गाएका गीतहरु भन्दा यो गीत निकै फरक र सकारात्मक सन्देशले भरिएको छ ।