लागु औषध दुरुपयोगमा कमी ल्याउन नुवाकोटमा अन्तरक्रिया

नुवाकोट असार ६, लागु औषध दुरुपयोग रोकथाम र निति तर्जुमा सम्बन्धि अन्तरक्रिया कार्यक्रम शुक्रवार सम्पन्न भएको छ ।

लागू औषध दुरुपयोग तथा अवैध ओसार–पसार विरुद्दको अन्तराष्ट्रिय दिवस मनाउन कार्यक्रमको आयोजना गरिएको हो । लागू औषध दुरुपयोग तथा अवैध ओसार–पसार विरुद्द दिवस असार ५ गतेदेखि असार ११ गतेसम्म  साताव्यापी रुपमा मनाउन लागिएको हो ।

कार्यक्रम समुदाय–प्रहरी साझेदारी अवधारणा अन्तर्गत जिल्ला प्रशासन कार्यलय नुवाकोटको संयोजन तथा जिल्ला प्रहरी कार्यलय,नुवाकोट र सामुदायीक प्रहरी सेवा केन्द्र नुवाकोटको आयोजनामा गरिएको हो । कार्याक्रममा जनप्रतिनिधिहरु, सुरक्षा निकायका प्रमुखहरु, बिभिन्न विद्यालयका प्रधानाध्यापक तथा शिक्षक शिक्षिकहरू, समुदाय प्रहरी सेवा केन्द्रका पदाधीकारीहरू,सरकारि तथा गैरसरकारी संघ संस्थाका पदाधिकारीहरु,स्वस्थकर्मि, संचारकर्मि, नागरीक समाज,प्रहरी कर्मचारि समेतको उपस्थित रहेको थियो ।