नुवाकोटको अग्नी संजाल समितिलाई त्रियाशिल बनाउने निर्णय

नुवाकोट असार ५, जिल्ला वन था डढेलो संजाल समितिलाई क्रियाशिल बनाउने निर्णय गरिएको छ ।

जिल्ला वन कार्यालयमा बुधबार बसेको वन डढेलो नियन्त्रण तथा व्यवस्थापन समितिको बैठकले समितिलाई सक्रिय बनाउने निर्णय गरेको जिल्ला वन कार्यालयका सुचना अधिकारी लोकनाथ न्यौपानेले जानकारी दिए । कार्यक्रममा जिल्ला समन्वय समितिका प्रमुख सन्तामान तामाङले वन सबैको साझा सम्पत्ति भएकोले सबैले वन जोगाउनुपर्ने बताए । तामाङले जिल्लामा वन क्षेत्र कसरी बढाउन सकिन्छ त्यसको उपाय उल्लेख गरे । कार्यक्रममा प्रमुख जिल्ला अधिकारी द्रोण पोखरेलले वन क्षेत्रमा चुरोट, गाँजा लगायत खाने प्रवृति बढेको भन्दै अग्नी व्यवस्थापन समिति सधै चनाखो भएर बस्नुपर्ने बताए ।

त्यस्तै कार्यक्रममा जिल्ला वन कार्यालयका प्रमुख जयमंगल प्रसादले नुवाकोटको चारखरे,तुप्चे,कल्याणपुर, सामरी, देउराली,फिकुरी,मनकामना,र्गोस्याङ,तारुका, रातमाटे,जिलिङ ,वेलकोटगढी , मदानपुर, लगायतको वन डढेलो लाग्ने जिल्लाको अति संवेदनशील क्षेत्रको रुपमा रहेको बताए । त्यस्तै थानापति,चौखडा, कविलाश, भद्रुटार, गणेशस्थान, हल्देकालिका, सुन्दरादेवि,रालुका,समुन्द्रटार, चाउथे, सुर्यमति, खानीगाउँ, चौखडा र रालुका डढेलोको उच्च जोखिममा रहेका उनको भनाई छ । कार्यक्रममा वन उपभोत्ता समितिका अध्यक्षहरुले वर्तमान अवस्थामा सामुदायिक वनमा खुल्ला रुपमा काम गर्न नपाएको गुनासो गरेका थिए । उनीहरुले सडक निर्माण गर्दा वन तिव्र गतिमा फडानी भएको भन्दै दुख व्यक्त गरेका थिए ।

कार्यक्रममा प्रहरी उपरिक्षक कृष्णपल्लीमगर, सशस्त्र प्रहरीका प्रमुख निरञ्जन भण्डारी, अनुसन्धान प्रमुख धिरज बाँनिया लगायतको उपस्थिति रहेको थियो । नुवाकोटमा कुल क्षेत्रफलको ४३.६१ प्रतिशत क्षेत्र वनजंगलले ढाकेको छ ।